Data : 25 04 2019
KryeTitujt :

Poezi nga Sherife Malo Allko

Poezi nga Sherife Malo Allko

Fundi i ekzistencës

Dhe kur qielli të mbyllë sytë ,
dhe kur yjet të shuhen në galaksi ,
dhe kur hëna të flejë përjetësisht ,
kur dhe dielli të mos ngrohë më,
dhe kur njerëzit të mos kenë dashuri ,
në gjumin e përjetshëm do të rrinë

Ekzistencĕ e gjithësisë ,avullon !
Botĕ e ngrirë në akull ,
botĕ e shkretë ,
botë e braktisur ,gjithësi pa jetë ,
si shpirti bosh .
Ekzistencë e pa ekzistuar ….


Pse loti ra !?

Sh….sh …….sh….t..
Dëgjoni ,dëgjoni .
Një pikë loti nga syri ra .
Po qan .
Buza e trembur u rrudhos.
Ç’është kështu,pyeti gjuha
dhe shpejtë doli jashtë
pikën e lotit të kriposur ,
e shijoi sa më ska .
Por në çast pyeti veten
Nga cila galaksi po bie ky lot !?
Pse vallē !?Kush e ka zemëruar !?
Kush e bëri të vajtoj!?
Lotë të shumtë e me furtunë
lotë që vĕrshojnë si lumë
syrit i krijoi halle shumë .
I krijoi vjeshtë të egër
dhe dimër me acare
Ah..ky loti i shkretë
i trishtua gjer në retë ,
dhe loti ul kokën,dhe bie mbi dhe
dhe qielli si nënë,tek yjet e ngre …..

Ndaje Artikullin me Miqte e Tu

Artikuj te Ngjashem :

Ler nje Koment

Dergo Koment


+ 3 = 8