Data : 22 03 2019
KryeTitujt :

Poezi nga Mimoza Gjetaj

mmimms

 

 

 

 

 

 

NËNA IME E SHENJTË

Edhe kjo pranverë
Më gjeti larg teje
Aq larg sa prej zemrës në zemër
Ëndërrova t’i zbrisja shkallet
Si dikur fëmijë
Me buçet margaritarësh në dorë
Mbledhur oborrit të shtëpisë
Ku ende ruhen kujtimet me ty…

Rrezet e ngrohta të shpirtit tënd
Më shtrëngonin fort
Mbështjellë në gjirin tënd
Të puthja duart dhe sytë ,
Të numëroja dhe përkëdhelja rrudhat në ballë
Koordinatat zanore te frymës tënde
Formonin melodinë e një tingulli të rrallë
Melodinë e shpirtit tënd
Që hedhë në valle çdo gjë nëpër mua…

Edhe kjo pranverë më erdhi pa ty
Larg mundësisë për të qenë bashkë
Ndjej se një jetë është pak
Të shlyej atë që t’i bërë për mua
Nëna ime e shenjtë…

Çdo gjë mbanë emrin tënd
Shpirti nuk gjen fjalë për të shprehur
Atë çfarë ndjej për ty
Ti je thesari me i çmuar
Je tingulli më i ëmbël i çdo melodie
Je parfumi më i pazëvendësueshëm
Ti je vula e dashurisë e skalitur thellë shpirtit tim!

Ndaje Artikullin me Miqte e Tu

Artikuj te Ngjashem :

Ler nje Koment

Dergo Koment


+ 6 = 15