Data : 20 11 2018
KryeTitujt :

Tarineri, Deschamps zbulon planin: Ja si e ndalëm Messin!

Didier Deschamps

Trajneri i Francës, Didier Deschamps deklaroi se skuadra e tij kaloi në çerekfinale sepse diti se si të bllokonte Leo Messin.

“Mendoj se homologu im argjentinas donte që t’i jepte më shumë liri, në mënyrë që Messi të vinte pas krahëve të mesfushorëve tanë. Por ne u përshtatëm dhe e neutralizuam. Kante ishte gjithmonë pas tij”, deklaroi Deschamps pas ndeshjes që Franca fitoi 4-3 ndaj Argjentinës.

“Kishim dy mundësi. E para, të mos lejonim që topi të shkonte te këmbët e tij. E dyta, kur topi të merrej nga Messi, njëri ta sulmonte, ndërsa tjetri t’i qëndronte pranë. Messi ishte objekt i veçantë i vëmendjes”, pranoi trajneri francez.

Deschamps u shpreh se një tjetër mënyrë për të bllokuar Messin ishte neutralizimi i dy mesfushorëve të tjerë: Mascherano dhe Banega.

Ndaje Artikullin me Miqte e Tu

Artikuj te Ngjashem :