Data : 12 12 2017
KryeTitujt :

Kthehet në tokë kapsula “Soyuz” me 3 astronautë

32C3F172-5489-401C-88DB-97102611BED8_mw1024_n_s

Një kapsulë ‘Soyuz’ me një ekip prej tre astronautësh ndërkombëtarë ul në mënyrë të sigurt në pjesën qendrore të Kazakistanit, bënë sot të ditur agjencitë e lajmeve.

Kanadezi Chris Hadfield, amerikani Tom Marshburn dhe Roman Romanenko i Rusisë zbarkuan të martën pas një mision 146-ditor në Stacionin Ndërkombëtar të Hapësirës.

Hadfield 53-vjeçar  është veteran i dy misioneve vajtje ardhjeje në hapësirë dhe astronauti i parë kanadez që ka komanduar Stacionin Ndërkombëtar të Hapësirës. Para largimit nga stacioni orbital, Hadfield i tha lamtumirë jetës në hapësirë duke kënduar versionin e vet të këngës “Space Oddity” të yllit britanik të muzikës rok, David Bowie.

Edhe para regjistrimit të kësaj kënge, astronauti Hadfield ishte angazhuar me një audiencë online në të gjithë botën, duke treguar se çfarë ndodh kur dikush përpiqet të kryejë veprimtaritë e përditshme në zero-gravitet. Ai ka një profil të madh në internet me mbi 800 mijë ndjekës në Twitter, dhe numri vazhdon të shtohet

Misioni i tre astronautëve ishte ekspedita e 35-të në bordin e stacionit të hapësirës. Zëvendësimet e tyre janë planifikuar të nisen për në stacionin orbital më 28 maj.

Deri atëherë, stacioni do të drejtohet nga një ekuipazh i reduktuar që përfshin dy astronautë,  një amerikan dhe një rus.

Ndaje Artikullin me Miqte e Tu

Artikuj te Ngjashem :