Data : 24 05 2018
KryeTitujt :

Berlini heq dorë nga programi, ‘Avionë pa pilot’

57359_3

BERLIN - Gjermania hoqi dorë nga avionët e telekomanduar “Euro Hawks”, një program me një vlerë mbi një miliardë euro, për shkak të mungesës së çertifikatës nga autoritetet ajrore evropiane, bënë të ditur sot burime zyrtare nga Ministria e Mbrojtjes.

“Nuk kemi asnjë shpresë që këta avionë të pajisen me një çertifikatë”, theksuan burimet zyrtare vendase.

Gjermania ka shpenzuar tashmë 508 milionë euro për një prototip “Euro Hawk”, versioni amerikan i “Global Hawk” nga “Northrop Grumman” i rikonfiguruar nga grupi evropian i mbrojtjes “EADS” dhe do të shpenzonte 500 milionë euro më tepër për katër avionë të tjerë.

Berlini ka shpenzuar gjithashtu 40 milionë euro për modernizimin e bazës ajrore në Jagel, në veri, ku do të qëndronin këta avionë të telekomanduar.
Agjencia Evropiane e Sigurisë Ajrore njoftoi se do të pajiste me çertifikata këta avionë vetëm për fluturime në zona shkretëtirash, rajone polare ose oqeane për shkak të mungesës së një sistemi që shmang përplasjet, që do të mbronte avionët e linjave ajrore, sipas informacioneve të publikuar nga shtypi gjerman .

Ndaje Artikullin me Miqte e Tu

Artikuj te Ngjashem :